Tyrrah ka taxi ya ka truck wa sih ha Iawmusiang

Jowai : Ha i miet ka 2 tarik heipor kamwa 11 waje kawi ka kari kamai Maruti 800 da tyrrah ko ya kawi ka truck haphrang DC Point, Iawmusiang, Jowai.

Kani ka taxi em ko ya u No. ML 04B 7545 katwa ka truck won em ko u No. ML 04A 5522.

Da ong wa kani ka taxi da tyrrah ko ya kani ka truck kit mar nadien, wei kani ka truck da sangeh ko heini hadien wa da sih ko.

Ha ini i jia uwa yah taxi da mynsoo u wei da pynkit ya oo cha Dr. Norman Tunnel Hospital yow yoh u yei sumaar wa biang.