15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da khang hadooh 11 tylli ki skur ha EJH nadooh wa khang tih mooyong : EJNC

0 Comments
Advertisement ad1

Jowai : Ka East Jaiñtia National Council (EJNC) da pynap ko yei sñiawkhia wa joor hajrong i ku syndet i dam skur ki khynnah hapoh ka East Jaiñtia Hills District neidaw wa duna i khih i kreh nadooh wa khang i tih mooyong ka NGT hadooh wym ye de ki bei ki pa u kyrchaan ya ki khon yong ki.

Ka seiñ da ong ko leh wa hadooh 11 tylli ki skur hapoh EJHD da khang khyrdep noh ki nadooh wa khang yei tih mooyong ka NGT.

“Ka EJNC kyntu ko ya ki wa mihkhmat ka thaiñ wow thooh laad thooh luti ki wa kammon wow yarap ya ki khynnah khynroo khyllood ka district waroh kawi khnang wa i jied ki paidbah ya ki ym man i iwa sepai” da ong ka Ristina Nongtdu, Education Secretary ka EJNC.

Hei yatoh wa i khang tih mooyong ka NGT, ka seiñ kyntu ko ya ka sorkar jylla hapoh i yahkhmat u Dr. Mukul Sangma wow chimkhia ya ini i eh wa yachem ka jylla waroh kawi wei ymtoh wow chong kli-kti hi-eh.

Neiliang u Sambormi Lyngdoh, Chairmam JNC, da  ong u wa ym myntoi i em ku 8 tylli ki Karkhana khyndawbilat hapoh East Jaiñtia Hills District lada ki khon ka District dang dooh khih dooh kreh ki, wei ka seiñ hi daw yachem ko wa u Deputy Commissioner ka EJHD wow pyrkhat hei yatoh wa ini i kaam.

Share this:
Previous

Tyrrah ka taxi ya ka truck wa sih ha Iawmusiang

Next

Da pyllait ko ya ka kot “Ka Kur Susngi”