Tyrrah ka Truck ya ka School Bus ka Mount Zion hadooh wa mynsoo ki khynnah, yut uwa yah  

Ha iwi i jia ya tyrrah kari, da pynyaam bru ko ya kawi ka skur ynne i step haeipor kamwa 8:00 waje heiwa kawi ka School Bus yong ka Mount Zion Higher Secondary School 15 mer Byrnihat Ri-Bhoi District katwa dang lai choo ko ya ki khynnah skur wei dang yang khynnah skur ha 17 mer, da wan kawi ka Truck wa kit Clinker kawa em ya u Number NL-01AA-4672 kawa da lai tyrrah ya kani ka Bus nadien deiwa em 20 ngut ki khynnah skur hapoh.

Ha ini wa jia, da em 7 ngut ki khynnah kiwa da mynsoo wei da em leh kiwa da mynsoo joor kiwa da pynkit noh cha Guwahati neibynta wow yoh sumaar wei ya kiwa mynsoo malu mala da pynkit noh cha Byrnihat PHC.

Mar ya dep tyrrah ya ka School Bus, neiliang uwa yah wa uwa yarap ya kani ka Truck da yut ki na kani ka thaw.

Neiliang ki pulit ka Byrnihat Out Post mar ya tip ki yeini wa jia dapoi ki wu-wut cha kani ka thaw yow takit yeiwa jia wei dang yang yei pyntip bniah ki pulit heiyatoh wa ini.

Related posts

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026