Uwi uwa yah thuk-thuk da dooh u yei mynsien hadien wa chah tyrrah u ha kawi ka kari SUV wa yah da u pyrsa u MLA ka NCP (Ajit Pawar), u Dilip Mohite Patil uwa da tyrrah ya kani ka thuk-thuk nadien ha u sarok Pune-Nashik Highway ynnin i miet. Uwa chong hadien leh da mynsoo u.
U Mayur Mohit uwa man kam u pyrsa u MLA, u Dilip Mohite Patil da chah kem u wei da chah pynngat u ha ki kyndon pynyap bru deiwa leh khaler. Katkam ka khubor wa da yoh, da ong wa da yah kari u ha ka liang wa bakla u sarok ha ini i thaw wa jia.
Uni u khynroo wa dooh yei mynsien u da tip kam u Om Sunil Bhalerao wei ya u pyrsa u MLA da kem da ki pulit ka Manchar Police ka Pune.
Kani ka kari toh kawa da pynhær bha wei da pyrchang ko wow knieh lai chakhmat ya kawi ka Pickup Truck wei ha ini i por da tyrrah u ya kani ka thuk-thuk kawa dang yah yow liwan cha yung ki wa em ha chong Kalamb wei ini i thaw wa jia toh hajan ka yingkieñ Kalamb.
Uwa khlaad da takha u nei bynta i khlieh heiwa da kit ya oo cha ka Manchar Rural Hospital wa em chajan tangwa da khlaad chwa u wei da ieh u ya ka bei, u pa waka diah u chadien.
Hadien wa jia ini, kiwa chong chnong da yalang ki ha lait kani ka Hospital wa ha Manchar Police Station deiwa dawa wow pynchitom ya u Mayur Mohite.
Neiliang u MLA hawa pynche da ong u wa u pyrsa u ym em yut u na ini i thaw wa jia wei ym em leh dih kiad u ha ini i por wa jia.
Discussion about this post