Ka Ministry of Health & Family Welfare (MoHFW) ka ri da tyrwa ko cha ka Ministry of Civil Aviation wow pteiñ yei khang i wan ki lieñsuiñ kiwa na UK cha India hadooh ka 7 tarik u Duiatra (Jan) 2021.
Ya ini da leh hadien wa da e yutip ka Joint Monitoring Group (JMG) wa khlieh da u Director General of Health Services (DGHS) waka National Task Force wa khlieh da u DG, ICMR wa Member (Health), NITI Aayog.
Da e buit leh cha ka Ministry of Civil Aviation wa hadien ka 7 tarik wow chah du ki kattu katni ki lieñsuiñ wa wan na UK cha India heiwa ya kiwon ki wow chah daw pynbiat da ka Ministry of Civil Aviation deiwa ya krehlang waka Ministry of Health & Family Welfare.
U Union Health Secretary da thoh u cha waroh ki jylla wow man ki kiwa husiar wa kiwa paitbniah bha hawa pynman ya kiwon kiwon ki yalang kiwa ye u pynpoor ya uni u khñiang wei wow pynduna yei yalang ki paidbah khamtam ha ki lehkmen snem thymme wa kiwi ki jait lehkmen ha kini ki por tlang.
Kam wow pynkynmoo wa da khang yei wan ki lieñsuiñ kiwa na UK nadooh ka 23 tarik uni u bnai hadooh ka 1 tarik u snem thymme wei kiwa da yoh ya u khñiang thymme COVID-19 uwa da chem ha UK da em ki 20 ngut ha India hadooh ynne heiwa ynnin ka sngi da chem wa em ki 6 ngut.
