U Working President ka United Democratic Party (UDP), u Titosstarwell Chyne da ong u wa ha East Khasi Hills ki Constituency kiwa ka UDP da yakhun lane kiwa ka Party ka em ko ha ka Semi Final da em ki kamwa 7-8 Seat na ki 17 tylli ki Constituency ha ka Election MLA kawa daw man ha u snem 2023.
Hawa kylli hawa yatoh wa ka Ticket ka Party na Mawsynram, u Titos da ong u wa neiliang kiwa kyrchaan ka Party na Mawsynram Circle da phah ki yei pyrtuid wa kwah ki ya u Ollan S Suin, wei ha ka 9 tarik uni u bnai daw em leh ka General Meeting yong ka Party ha katai ka Constituency.
Hawa kylli hajrong i mih ki khubor wa u MLA wa katni, u HM Shangpliang da pyrchang u wow paan Ticket na ka UDP wow yakhun ya ka Election, neiliang u Titos uwa man leh u President ka UDP East Khasi Hills, da ong u wa da em kam itæ leh, tangwa kiwa yahkhmat ka Party ryngkat ka District hei thooh yumut na kiwa boon kiwa kyrchaan ha Mawsynram, ka Circle ka sñiaw ko wa toh u phah bait dei pyrtuid u Suin, wei katni chong ko ha ka District UDP wow phah yei pyrtuid cha kiwa yahkhmat hapoh ka jylla.
