August 1, 2022
U Working President ka United Democratic Party (UDP), u Titosstarwell Chyne da pynsñiaw u yei khyrngiat hajrong i mih noh u MLA warim ka Mawlai uwa man leh u Chief Adviser ka UDP State Youth Wing, u Embhahlang B Syiemlieh, wei da khana u wa da dep wow e yumut wa ym toh u rai jhan neibhah wa toh kawa dang ye u pynbait.
Da ong u wa ini toh i kaam Party kawa dang ye u pynbait, heiwa da pynsñiaw leh yei kyrmen wow yachem wei wow pynbait, wei pynsñiaw u leh yei kyrmen wa u Embhah leh u smat u wow wan chakhmat wow pynbait wa ka Party.
Advertisement
U Titos uwa man u President ka UDP East Khasi Hills, da ong u wa i mih yong u Embhah da em bait i ktah neibhah kiwa mih leh kynthup ki ya u diah u MLA warim uwa man uwa yahkhmat ka UDP State Youth Wing, deiwa pynrap wa hawa mih uwon uwon uwa yahkhmat uwa da jooh man leh u MLA daw ktah bait ya ka Party.
Hawa kylli yei daw wa yut seiñ, u Titos da ong u wa i daw ye u man wa toh i kaam yong ka Party ha Mawlai Circle, wei ye u man wym sñiawthooh yumut yong kiwa kitkaam thymme kiwa man ki bru yong u PT Sawkmie wa kiwa kitkaam warim, wei ye leh u em i leh mylliñ ya u Embhah heiwa da pynbait wow wan yakhun noh u Sawkmie na ka UDP na Mawlai.
Puræ leh: Mih noh u MLA warim ka UDP na Mawlai wa ki spah ngut kiwa yahkhmat
Advertisement
