Tyrwa ka Vistara Airlines wow kit ya ki Doctor ki Nurse ha i yakhun ya ka khlam COVID-19

Ka Vistara Airlines da tyrwa yarap ko ya ka ri hei yakhun pyrchah ya ka khlam COVID-19 deiwa tyrwa wow kit ya ki Doctor wa ki Nurse na ka sorkar wow lai luti ki mynkna da ki lieñsuiñ yong ka kam chibynta yong ini i yakhun.

Ka Vistara da thoh ko cha ka Usha Padhee kawa man ka Joint Secretary ka Union Ministry of Civil Aviation, wow tyrwa yarap ya ka sorkar wa ki chnat kamjooh ki thaw sumaar yong ka.

Da ong ka Vistara wa pdiang ko yei paan yarap na kiwon kiwon ki seiñ wa ki chnat sumaar ka sorkar pyrdi wa sorkar jylla wei hadien wa bichaar wei pynchongñia daw ye u e yarap wot ki thaw wow kit ya ki tiar sumaar.

Chooh chooh da ong ko wa smat ko wow kit mynkna ya ki  Doctor wa ki Nurse ka sorkar ha kylleiñ ka ri wei uiñ biang na i thaw wa wan ki hadien wa dep i kaam ki heiyatoh wa ka khlam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Hardeep Singh Puri, uwa man u montri ka chnat Civil Aviation da ekhublei u ya ka Vistara hajrong ini i tyrwa yarap ko.