U montri rangbah ka Delhi, u Arvind Kejriwal ynne da pyntip u wa ka sorkar Delhi daw e dawai yada COVID-19 ko mynkna ya waroh kiwa da em palat 18 snem i rta.
Da ong u wa daw thied hadooh 1.34 klur kini ki dawai wei yooluti wa daw ye u e smat ya ki cha ki paidbah.
U Kejriwal da kyntu u leh ya waroh ki karkhana chna dawai wow pynduna ki yei dor i dawai cha ka T. 150 chisien e (Dose).
Katkam wa man katni ka Delhi man ko kawi na ki thaw wa da chah ktah joor bha ha i wan biang ka khlam COVID-19.
Neiliang u montri rangbah ka Rajasthan u Ashok Gehlot leh ynnin ka sngi da pynbna u wa hapoh ka jylla daw e mynkna ya i dawai yada COVID-19 ya kiwa em 18 snem chaneiñ deiwa ong wa em kamwa 3.75 klur kiwa em 18-45 i rta hapoh ka jylla wei ka sorkar daw pynlut ko T. 3,000 wow thied dawai yada na u COVID-19 deiwa kyntu leh ya ka sorkar pyrdi wow phah ya kiwa chna yei dawai wow pynhiar yei bai dawai tika cha ka T. 150, wei lada ye, ya kitu kiwa em 18-45 snem i rta leh wow e dei mynkna ya ini i dawai.