Tyrwa yarap ka MPC hei yatoh wa ki kaam wa mih na u Aadhaar

Shillong: Ka Meghalaya People’s Committee on Aadhaar da pyntip ko wa da yoh yutip ki wa da em ki bru wa chah kyntait hapoh ka chnong, kiwa da chah beh Balang neidaw wa ymbien ki u yaleh Aadhaar kamjooh leh ka seiñ da ong ko leh wa da em ki bru kiwa da chah maham wow chah ah ka baam tymmen (Pension), tulop kiwa kreh sorkar.

Da ong ki leh wa da phah wai Bank Account ya waroh neibhah neini cha khmat ym su de da ka poisa wei daw pynemkaam da ka Digital/Cashless Transaction.

Kamtæ ka seiñ kwah ko u pynkynmoo wa da em ka rai wa chiteiñ por (Interim Order) wa pynmih da ka Supreme Court ha u Naikhynde u snem 2013 wa ymye u pynbor ya ki paidbah wow yaleh Aadhaar ki wei ya ka rai wa khaddooh daw e ha u Khonchonglaad (November) 2017.

Da pynkynmoo ka seiñ leh wa ha u Naichiphaw uni u snem ki 9 ngut ki Judge ka Supreme Court da rai ki wa i man laitlooid ki bru samen toh i hok wa da e da ka riti synchaar ka ri wei ym ye wow pynbor ya ki wow e ya ki chon pariam kti wa ki pyllung khmat ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamtæ ka seiñ da ong ko wa lada em wa pynbor u yaleh Aadhaar da man ko kawa pyrchah aiñ wei ka seiñ da kyntu ko wa lada em kiwa chem ya ini ye ki u pyntip cha ka deiwa phah SMS namo phone ha u number 9612164669, 9863017359, 8011428108, 9436312576, 8259850200 ye leh u email ha [email protected], [email protected], [email protected] wa ha u [email protected].

Kani toh katkam ka khubor na u Auguster Jyrwa, u Rev. P.B. Syngkli, u Rev. K. Pyrtuh wa u Rev. Dr. PBM Basaiawmoit.