15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Yoh ki pulit ka EJH u pyllait hadooh 26 tylli ki ksaw wa thmu wow dai cha Mizoram

0 Comments

Jowai: Ki kaam pyrchah ya ki mrad wa ki ksaw dang joor ki kat dang mih ki sngi wei wow sonteri yeini ka sorkar leh da booh ko ki aiñ wow pynchitom ya ki bru kiwa leh pyrchah ya ki, kamtæ ha kani ka kynti ye ko u man ka sien wa nyngkong heiwa da ye ki pulit u pyllait hadooh 26 tylli ki ksaw ya kiwa da thmu wow rah cha Mizoram wow dai ya ki.

Ini waroh jia i ha ka 19 tarik i sngi heiwa da em ki bru kiwa chondur ya kawi ka kari kawa kit ya ar tylli ki ksaw hapoh kari kamai wei da thap ya ki hapoh churia wei ya kini ki dur da booh ha Facebook.

Ha Facebook da booh ya kini ki dur heiwa ka kari kamai wa em u No. ML-11-0142 wei kani ka kari em ko ha Dawki wei da kam wa da thied ya kini ki ksaw yow dai ya ki cha Aizawl heidor T. 500.

Hadien wa mih kani ka post ka seiñ wa tip kam ka Jowai Animal Rescue Team (JART) da chimkhia ki yeini deiwa pyntip cha ki pulit ka West Jaiñtia Hills, hadien ini ki pulit da pynman ki ya i sylli ya ki kari ha u sarokbah ha West Jaiñtia Hills tangwa ym em u chem ki iwon iwon leh.

Manda poi i miet kani ka sngi da em ki dkhot kani ka seiñ kiwa johkhe wow pait ya ka Registration Number kani ka kari wa mut wa kani ka kari toh kawa na East Jaiñtia Hills, wei hadien ini da pyntip yeijooh cha ki pulit ka East Jaiñtia wei dei chimkhia ka SI. Kiran Lyngdoh kawa da thooh ki ya kani ka kari wei da chem ki ya kamjooh ya uwa yah ya ka ya uwa tip kam u Kyrshan Blah ha yaaw Khliehriat wei manda takit ya oo da kyntait chwa u wa tip u chaphang kini ki ksaw iwa da pynbor ya kini ki pulit u liwan noh ki.

Mar heitæ ki dkhot ka JART da phah ki ya ki dur kani ka kari wa i number ka kari cha ka Lyngdoh iwa pynsakhiat wa toh hi uni u bru (Kyrshan) uwa kit ya ki, dalai thooh biang ya oo wei manda chem wei takit ki ya oo da sdang phla u wei da yah u ya ki ha i thaw wa em kini ki ksaw heiwa chirup wa kini ki ar tylli ki ksaw da em sa le tylli ki ksaw wa da kset hapoh iwi i trep.

Hadien ini da takit biang ya u Kyrshan heiwa da phla chooh chooh u wa dang em chooh kam kini ki ksaw wa chah kset ya kiwa thmu wow dai cha Mizoram, wei dei kreh chitom ki pulit hapoh i yahkhmat ka S.I. Lyngdoh waroh chi miet kani ka 19 tarik da yoh u pyllait hadooh 26 tylli ki ksaw.

Katkam wa tip katni kiwa emkti ha ini i kaam wow thmu wow dai tooh ya kini ki 26 tylli ki ksaw man ki hamni hawah:

1.Ka Kapzuali namo ka Julie

Vairangti PS,

Kolarib, Mizoram

2.Ka Lalsawmzaul Sanemi

Vairangti PS,

Kolarib, Mizoram

3.U Phaldis Rymbai

Dienshynrum,

East Jaiñtia Hills District

Manda yoh u pyllait ya kini ki ksaw da chem wa man ki kiwa tlot wei thngan katkam i ong uwi na ki Veterinary Doctor uwa pait ya ki wei neibynta i bha yong ki da pynkit noh ya kini ki ksaw cha ka thaw ri mrad ka Justbefriendly kawa em ha Guwahati heiwa da yoh ki yei sumaar wa biang.

Da chem wa ya kini ki ksaw da thied na Dawki, Amlarem, Shangpung, Namdong, wa kiwi kiwi iwa man leh pyrchah ya ka aiñ neibhah wa ye kiwa emkti u ngat ha ki kyndon 428, 429 ka Indian Penal Code wa ka section 11 ka aiñ The Prevention of Cruelty to Animals Act, 1960.

Neiliang ki pulit dang pynman ki ya i takit yong ki ha i yatoh wa ini wei neiliang yong u Wyrta daw booddien i yeini i kaam.

Previous
Next

0 Comments

Leave a Reply