Ka yalehke wa wai ya ka U-15 Inter District Cricket Tournament 2023 ka Meghalaya Cricket Association, dapoi ko cha wakut ynnin ka sngi khlem em wa jop hapyrdi ka Ri-Bhoi waka Shillong Cricket Association-A ha Umbuda, Ri-Bhoi.
Kani ka Tournament kawa pyman ar sngi kawi ka yalehke, ka Ri-Bhoi ha ka Innings wa nyngkong da haap lut ko deiwa kamai 107 Run hiewa ka SCA-A won da jubab ko deiwa yoh 66 Run. Ka Ri-Bhoi da jubab biang ko deiwa yoh 135 All Out iwa da booh ya ka SCA-A 177 Run yow jop.
Ka SCA-A da sdang ko deiwa biang deiwa kamai 49-Run ya ka Wicket wa nyngkong hapyrdi u Samelawan S Nongkseh (13) wa u Rudra S Rathor. Hadien wa haap u Samelawan, u Rathor da pteiñ u wa u Krishiv Chaudhary deiwa kamai lang 58 Run neibynta ka Wicket wa ar.
U Rathor da haap u hadien wa kamai u 47 Run katwa u Chaudhary da kamai u wa kiwi won wei hawa kut da kamai u 78 Not Out tangwa da haap lut ki Wicket deiwa pynyoh 176 na 48.3 Over iwa man thij wa iwa kamai ka Ri-Bhoi kamtæ da kut noh ka yalehke khlem em wa jop.
Na kiwa kawang bol, u Sanjay Sawkuta da yoh u 6/25 katwa u Gaurav Narleng da yoh u 2/14. U Sawkuta da ka Bat da yoh u ya ka chiteiñ spah ha ka Innings wa ar ka Ri-Bhoi.
