Ki yalehke (Group Match) ka Zone 2 ka U-15 Inter District Tournament ka Meghalaya Cricket Association da pynkut ya ki ynne ka sngi heiwa ka Tura District Cricket Association wa ka East Garo Hills District Cricket Association da man ki kam ki ar liang wa yoh nyngkong (Top two Teams) wei da yoh ki wow psiah Semi Final.
Ha ka Zone 1, ka Shillong Cricket Association waka All Jaintia Cricket Association da jop ki ha ki jar jiar ki yalehke yong ki tangwa dang em sa ar kylliang wa daw yaleh neidaw wa em 5 tylli ki Team ym toh kam ka Zone 2 wa em soo tylli.
Ka Tura da jop ko ya ka North Garo Hills District Cricket Association da 25 Run, heiwa u Darnel Bilkam M Sangma da yoh u yei naam Man-of-the-match, katwa ka EGH da jop ko ya ka West Khasi Hills District Cricket Association da chi Wicket. Ha kani ka yalehke, u Artemius Marngar da yoh u yei naam Man-of-the-Match deiwa yoh soo Wicket. Ka Tura da yoh nyngkong ko ha ka Zone 1 deiwa jop waroh le sien katwa ka EGH da jop ko arsien.
Ha ka Zone 2 ynne, ka SCA da phah Bat nyngkong ya ka da ka Ri-Bhoi District Cricket Association hadien wa jop ya ka kylla khlem. Ka SCA da kamai ko 178/3 na ki 20 Over, heiwa u Krishiv Choudhary wa u Rudra Singh Rathore da yoh ki mar 53 Run, katwa u Angkit Tamang da yoh u 32 Not Out na 12 bol. Ka Ri-Bhoi hawa kdong da yoh ko 81/6, deiwa yoh mar 2 Wicket u Aashish Kumar Lohar wa u Md Wahid Ali ya ka SCA.
Ha kawi won ka yalehke, ka All Jaintia CA da Bat nyngkong ko hadien wa jop ya ka kylla khlem deiwa yoh 144/3. U Maremdor Sutnga da kamai boon dooh u deiwa 34 na 34 Bol. Ka East Jaintia CA won da kamai ko 99/6, deiwa dooh 3 Wicket da ka Run Out.
