theme-sticky-logo-alt
theme-logo-alt
Advertisement ad1
Advertisement ad1

Hapoh ka 15 tarik u snem thymme u pynbait noh ya u pood: Prestone

U Symbood Montri Rangbah ka jylla, u Prestone Tynsong da pyntip u wa hadien i lai sylli ya ki khappood wa em ha i kajia, ynne ki ar Montri Rangbah yong ki ar jylla, u Himanta Biswa Sarma na Assam wa u Conrad Sangma na Meghalaya da chong yalang ki ha State Guest House, Guwahati heiwa da yaklam hajrong i pynbait noh ya u pood. 

Ha ka yalang ynne da chim ya ka rai wa ha namo chwa ka 15 Duyatra (January) 2022, daw pynbait noh ya i kaam pood chisien donhi deiwa pynrap wa boi chwa kani ka sngi daw chong yalang chooh wei hapoh ka 31 tarik uni u bnai ki Regional Committee wa da thung wow sorjamin ya ki thaw khappood daw ekti noh ki ya ka bui (Report) cha ki jar jiar ki Montri Rangbah. 

Da ong u wa hadien wa dep ekti ya ka bui daw em biang ka yalang heiwa da booh ya ka thong heiwa ha namo hapoh ka 15 Duyatra (iwa man du hapoh chi bnai nadooh ynne ka sngi) daw pynbait noh ya ini i kaam waroh iwa da sahteiñ da boon snem kattu wa da jan dap 50 snem. 

U Prestone da pynrap u leh deiwa ong wa ini waroh i kaam pynbait pood da poi i hadooh katni toh nei chimkhia donhi ki ar Montri Rangbah kini ki ar jylla. 

Chooh chooh da sñiawskem u leh wa daw ye wow pynbait khaddooh noh ya u pood hapyrdi kini ki ar tylli ki jylla hanla ympu ye wow pynbait ya waroh 6 tylli ki thaw kamwa da booh thong, daw ye chwa wow pynbait ya ki kattu katni ki thaw. 

Share this:
Previous

U-19 Cooch Behar Trophy: Jop ka Meghalaya da 103 Run ya ka Nagaland

Next

U-15 Inter District Tournament: Jop ka AJCA ya ka EJCA, psiah Semi ka Tura wa EGH