Ka Shillong, Ri-Bhoi, Tura wa North Garo Hills da jop ki ha ka sngi wa ar ka U-15 Inter District Tournament ka Meghalaya Cricket Association ynne ka sngi.
Ha Mendipathar, wa pynman ya ki yalehke ka Zone 2, ka West Khasi Hills District Cricket Association da jop ko ya ka kylla khlem wei da jied ko wow Bat nyngkong wei da ye ki wow kamai du 56 Run, iwa ka NGH Cricket Association da ye ko wow jop deiwa dooh 4 Wicket. U Matsrang Chukam Shira da yoh u yei naam Man-of-the-match.
Ha ka yalehke wa ar, ka Tura District Cricket Association da Bat nyngkong ko hadien wa jop ya ka kylla khlem heiwa da kamai da 97 Run, iwa ka East Garo Hills District Cricket Association ym poi thong ko da 28 Run. U Man-of-the-match toh u Fernando Barbario Marak.
Ha ki yalehke ka Zone 1 wa pynman ha Nongkhrah, Nongpoh, ka Ri-Bhoi District Cricket Association da jop ko da 12 Run ya ka East Khasi Hills Cricket Association. Ka Ri-Bhoi da phah Bat nyngkong ya ka wei da yoh ko 112/8 na ki 20 Over, heiwa da yoh boon Run dooh da u Sanjay Sapkota (23) uwa man leh kam u Man-of-the-match. U Nangsan Shaphrang Kynter (3/24) toh uwa da lehbha da ka bol. Hawa e yei jubab, ka EKH da yoh ko 100/6 na ki 20 Over yong ki, heiwa u Damewanbiang Shadap da kamai boon dooh u da 38. U Sapkota da yoh u 2/10 da ka bol.
Ha ka yalehke wa bood ka Zone 1, ka Shillong Cricket Association da jop ko da 48 Run. Da Bat nyngkong ki hadien wa jop ya ka kylla khlem deiwa kamai 147/5, heiwa u Rudra Singh Rathore da yoh u 43 Run. U Rohit Pandey da yoh u 28 Run ya ka East Jaintia Cricket Association tangwa da ye wow ksoh ya ki deiwa yoh 99/9. U Angkit Tamang (3/10) wa u Md Wahid Ali (3/19) da yoh ki mar 3 Wicket ya ka SCA.
