U-19 Cooch Behar Trophy: Jop ka Meghalaya da 103 Run ya ka Nagaland

Ka Meghalaya da jop ko ya ka Nagaland da 103 Run deiwa sah sa chi sngi ka yalehke ha ka U-19 Cooch Behar Trophy ha Bhubaneshwar ynne ka sngi deiwa yarap da ki 5 Wicket na u Purav Agarwal.

Ka Nagaland da sdang ko ya ka Second Innings ynne i step deiwa emkaam 293 Run yow jop. Kam wow pynkynmoo, ka Meghalaya da yoh ko 112 ha ka Innings wa nyngkong, iwa da jubab ka Nagaland da 123. Ynnin ka sngi, ka Meghalaya da yoh ko 303 yow booh thong da kawa eh yow jop ka Nagaland.

Ka Nagaland da ye ko wow poi cha jan deiwa em kiwa wai ya ka kdong Run kiwa da kamai lang 100 Run deiwa kamai kamwa 4 Run chi Over.

Related posts

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Cha jied 2 ngut ki khynnah ka Jowai Grassroot Football Coaching ha ka Assam Warrior Football Academy yow yoh yei chah sikai wa dei mynkna

January 7, 2026

Ya kani ka kamai da ye wow pynkut da PM Santhosh (1/14). U Mughavi Sumi uwa kamai 74 Run da pynhaap da u Agarwal uwa da yoh 5/82 iwa waroh 12/124 ha kani ka yalehke. Kiwi de kiwa yoh Wicket toh u Manish Sharma (3/59) wa u Rohit Yadav (1/1) yow pynhaap lut ya ki Wicket ka Nagaland deiwa kamai 189.

Da ini i jop, ka Meghalaya da yoh wa le ko hapoh ka Plate Group, deiwa em hakhmat ka Nagaland, wei daw yachem khaddooh waka Arunachal Pradesh kawa ha khlieh kani ka Group ha ka 27 tarik uni u bnai.