Ka Meghalaya da rem ko da 31 Run hawa kdong ha ka sngi wa soo wa kawa khaddooh ka U-19 Cooch Behar Trophy pyrchah ya ka Sikkim ha Bhubaneshwar ynne ka sngi.
U slap da pynslem u yei sdang ka yalehke tangwa da sangeh u yow e laad wow yalehke, heiwa ka Meghalaya ym ye ko wow poi cha ka thong wa 127 Run yow jop.
Ka Meghalaya emlaad wow yaleh yow pynkut da ka ya Drawn tangwa da pyrchang ki yow jop. Ha ini, kiwa boon kiwa Bat da sdang ki deiwa biang tangwa ym ye ki wow kamai boon deiwa haap lut hadien wa yoh 95 Run.
Katwa dang em u Josiah Momin dang em kyrmen wow jop tangwa hadien wa haap u deiwa kamai 30 Run (iwa boon dooh na kiwa Bat ka Meghalaya) da dooh kyrmen wow jop. Da em leh soo ngut kiwi kiwa yoh palat 10 Run tangwa ym em wa yoh palat 16 Run.
Ini toh i sien wa ar wa da rem ka Meghalaya wei kattu daw yachem ko waka Mizoram ha kani ka 13 tarik.
