Shillong: U Divyansh Rajput da yoh u sa kawi ka spah Run yaka Meghalaya haka U-19 Cooch Behar Trophy pyrchah yaka Sikkim kawa pynman ynne ka sngi ha Tezpur.
Hadien wa jop yaka kylla khlem, ka Meghalaya da jied ko wow Bat nyngkong wei da ye ko wow kamai 282 Run deiwa dooh lut ya waroh ki Wicket, katwa ka Sikkim da yoh ko 74/1 hadooh wa kut ka yalehke deiwa bood yaka Meghalaya da 208 Run.
U Rajput uwa kamai 128 Run da wan u wow Bat hadien wa dooh Wicket ka Meghalaya haka Over wa 2, wei da kamai lang u 101 Run wa u Mrinal Das (28) wa 105 Run wa u Hrithik Sharma (52) chwa wow haap ka Wicket u. U Rajput da dat u 17 tylli ki 4 Run wa artylli ki 6 Run. Ha chwa ini, da dep yoh u yaka chispah Run wa kawi ka arspah Run ha kani ka samoi.
U Sharma wa u Rajput da haap ki hapoh 4 bol, wei hadien ini da haap 8 tylli ki Wicket ka Meghalaya deiwa kamai 72 Run. U Abhishek Yadav wa kamai u 23 Run na ki 17 Bol wei da man u uwa da lehbha na kiwa Bat cha tre.
Yaka Wicket ka Sikkim da pynhaap da u Aaron Nongrum (1/15).
Discussion about this post