15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U-19 Women’s One-Day Trophy: Jop ka Meghalaya yaka J&K da chi Wicket

0 Comments
Advertisement ad1
Advertisement ad1

Shillong: Ka Meghalaya da jop ko da chi Wicket pyrchah yaka Jammu & Kashmir haka yalehke U-19 Women’s One-Day Trophy kawa pynman ha Kadapa, Andhra Pradesh, ynne ka sngi.

Ka J&K da booh thong ko yaka Meghalaya 111 Run yow jop iwa da ye ka Meghalaya wow poi deiwa dooh 9 Wicket naka 43.1 Over. Ini da man ko i jop wa nyngkong yaka liang U-19 ka Meghalaya wei ini da wan i du hadien chi sngi wa ka liang Senior Women ka jylla da jop ki yaka Kashmir ha Puducherry.

Ynne ka Kashmir da jop ko yaka kylla khlem wei da jied ko wow Bat nyngkong tangwa da haap lut ki Wicket ko deiwa kamai du 110 Run. Ka Mansi Anand (3/24), ka Sistilin Ryntathiang (3/32), ka Rubi Chetri (2/11), ka Abizer K Syiem (1/2) waka Neelam Roy (1/20) toh kiwa yoh u pynhaap Wicket yaka Meghalaya.

Ka Meghalaya hawa kdong Run da sdang ko deiwa skem katwa dang em ka Ankita Lama tangwa hadien wa haap ko deiwa kamai 38 Run, ki Wicket ka Meghalaya da sdang haap ki hadooh wa poi ki 91/8 deiwa emkaam sa 20 Run.

Ki 17 Run hapyrdi ka Roy waka Jaylynn Marak da yarap ko ya ka Meghalaya yow kynjoh yaka thong tangwa da haap noh ka Marak deiwa kamai 4 Run wei da wan ka No. 11 ka Emisakani Warjri yow yieñ Bat ya chi bol wa kut ka 43 Over, yow chimkti won da ka Roy (13 Not out) yow pynyoh yaka Run wa pynjop haka bol wa nyngkong ka Over wa bood.

Share this:
Previous

Pynbiang kari ka sorkar ya kiwa uiñke suwari wa sahkut ha East Khasi Hills

Next

Da pynyinsur ya ka Curfew ha Sohra