Hadien palat ar tayaaw wa pyndep ya ka Quarter Final, ka Meghalaya daw yalehke biang ko ha ka Swami Vivekananda U-20 Men’s National Football Championship 2025 heiwa daw yachem ki wa ka Mizoram mynstep ka 25 tarik ha ka Semi Final.
Ka yalehke daw sdang ko heipor 3:30 i sngi wei daw pynyoo ya ka Live ha Indian Football YouTube Channel. Ka Meghalaya da jop ko ya ka Karnataka da 1-0 ha ka Quarter Final katwa ka Mizoram da jop ko ya ka Punjab deiwa yachut Penalty da 4-2 hadien wa kut ka yalehke da 2-2.
Ka Semi Final wa nyngkong daw pynman mynstep heipor 7:30 i step hapyrdi ka Delhi waka Sports Authority of India.
Ya ka Meghalaya da Coach da u Bobby L Nongbet heiwa da yoh yei jop soo sien khlem rem deiwa thap 14 tylli ki kool wei da chah thap ko du chisien donhi.
Ynnin u snem ka Meghalaya ym em yoh ko tang wow poi Quarter ha kani ka lympung yalehbol.
Discussion about this post