U biah sia noh ya ka yukdaw heipor wa kylliang poisa

Jowai : Ka Reserve Bank of India da pynmih ko ya ka hukum cha waroh ki bank hei yatoh wa i rukom krehkaam yong ki kawa da tip leh kam ka ‘Standard Operating Procedure’ yow biah dei sia ha pariam kti ki bru kiwa lai kylliang ya ki kot T. 500 wa T. 1,000.

Yeini ka RBI da leh ko hadien wa da ujor ki paidbah wow pynkrehkaam da ka Standard Operating Procedure (SOP) neibynta u kylliang ya ki poisa wa tip leh kam ka “Specified Bank Notes.”

Ka sorkar da rai ko wow biah sia ya ka pariam kti kiwa kylliang poisa yow lait ki bru u sai palat yeiwa da booh ha kawi ka sngi.

Ka sorkar da ekti ko ya ka Mysore Paints and Varnish Ltd, kawa da pynkhreh kawa pynbiang sia ya ka Election Commission heipor election nadooh u snem 1962.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini man ki ki hukum wa pynmih ka RBI :

Manda lai kylliang poisa T. 500 wa T. 1000 u biah sia ha ka yukdaw (index finger) na ka kti timun (right) yow tip lada uwi næ kawi ka bru da dep kylliang poisa ki.

Ya ini i sia cha ki bank/post office na ka IBA u saam da ka RBI hei yakrehlang wa ka RBI.

Ya ini u sdang na ki sor heh neitæ u pynkrehkaam cha kiwi ki thaw.

Cha waroh ki bank u e ya ki klong sia wa 5 ml ki wow em ya u brut wow niaam sia.

Ini i sia u biah da kiwa kreh bank wei u rkhiang i pyn hapoh kattu katni second yow lait kiwa kylliang poisa u niaam næ pynkhooid yeini i sia.

Ym chah u biah sia ya kiwi tawan ki pariam lait na ka yukdaw ka kti timun yow lait ki bru u kylliang boonsien ya ki poisa ha chi sngi.