Jowai: Ka seng Federation All Jaiñtia People (FAJP) seiñbei, da ujor ko da ka FIR hapoh ka Police Traffic Cell Phramer, West Jaiñtia Hills District, pyrchah ya ki bru kiwa emkti wow lai paan yarap (Donation) hei pyrtuid ka FAJP na ki bru samen, ki Company wa na ki yung krehkaam waphær waphær ka sorkar.
Katkam i chem ka seiñ ha ka Pulic Hearing kawa da man ha ka 25 Naichiphaw ha Adhunik Cement Plant, Thangskai, EJH da em ki bru wa kyrchaan ya kani ka Kharkhana da ka dorkhat wa da thoh hei pyrtuid ka seiñ kawa da soi da u Daimon Dhar kam u President ka seiñ.
“Hei sakhiat u Daimon Dhar toh u Vice President ka seiñ wei ymtip u iwon iwon hei yatoh wa ini i kaam wei ka seiñ da suba joor ko wa ini man i i kaam thok iwa chukor yeiwa da leh da ki dkhot warim ka seiñ yeiwa da ujor pyrchah ha Phramer Police Traffic Cell” da ong ka seiñ.
Ka seiñ da ong ko leh wa ka ym chong kli kti hi-eh ko kat wym pu chem ko yeiwa sakhiat.
Kani man ko katkam ka khubor wa da e da u Aeric Dkhar, General Secretary wa u Yoo Rymbai, Publicity Secretary ka seiñ.
Discussion about this post