U montri rangbah ka Meghalaya u Conrad K. Sangma ynne da pyntip u wa waroh ki rai wa da chim ynnin ka sngi daka Cabinet toh kiwa da pyndam.
“Da rai wow bood yaki kyndon warim kiwa daw pynbna biang,” da pyntip u Conrad deiwa pyntip leh wa dang khang hi yei lai na kawi ka District cha kawi. Da pyntip u leh wa ka sorkar daw pynbna ko leh yaki kyndon wa bniah heiyatoh wow pynpoi yaki mar wa emkaam.
Heiyatoh wa uwa yoh ya u COVID-19, u Conrad da pyntip u wa uni u bru ym toh uwa da wan na baar jylla wei em uwa emyatoh u uwa wan na ki ri wa da chah ktah. “Ym pu ye u ong deiwa tikna kammon yoh u ya uni u khñiang khlem da yoh sabut, tangwa ini ye man kammon yoh u ya uni u khñiang. Dang pynman i yaka takit,” da pyntip u Conrad.
Da pyntip u leh wa uni uwa liwan cha Shillong da dep u wow Register waka 108 wei da leh u yaka Self Quarantine. Chooh chooh da ong u wa uni u bru ym em pynyoo u ya kiwon kiwon ki dak ki chin wa chitom u. Wei neiliang ki bru ka chnat i chait i khiah da lai pait ki oo wei ym em chem ki iwon iwon i dak i chin ha oo.
Discussion about this post