U booh bhah 3% i kreh neibynta kiwa duna hei doh i pran ha ki ADC, u pyrchah UCC wa kiwi de kular ka UDP

Ka United Democratic Party (UDP) da kular ko wow pynkhlan chooh chooh ya ka 6^th Schedule, wow pynkrehkaam yei bhah thungkaam wa 3% neibynta ki bru wa duna i doh i pran (PWD) lada chah jied wow wan cha i bor ha ka Election cha ki Autonomous District Council (ADC) ha Khasi wa Jaiñtia Hills.

Ka UDP da pynmih ko ya kini ki kular Election ynne ka sngi deiwa emlang u Working President uwa man u Montri sorkar, u Paul Lyngdoh, u CEM warim ka KHADC, u Titosstarwell Chyne, u General Secretary, u Jemino Mawthoh, ki MLA wa MDC najrong kiwa kreh wa kiwa kyrchaan.

Napyrdi ki 20 tylli ki mat kular wa da pynlait paidbah da ka UDP, ka mat tih Uranium toh iwa da booh ka seiñ wow pyrchah wa i thmu pynkrehkaam ya ka Uniform Civil Code (UCC) hapoh ka jylla.

Hawa klam cha ki laad pathai khubor, u Titos da ong u wa ka UDP u mang kyrpang ko wow booh bhah kreh 3% neibynta kiwa em i duna hei doh i pran ha ki District Council. Da ong u wa kani toh ka sien wa nyngkong wa kiwon kiwon ki seiñ chimkhia ki ya ini i kaam.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa ban joor yei emkaam wow pynkupbor ya ki ADC, u CEM warim da ong u wa ka seiñ kwah ko rap kham boon i bor ya ki ADC khamtam hei mantre yei khyndaw u chyiap wa ka Para 3 yong 6^th Schedule.

U dawa leh wow bichaar biang ya ka Para 12A (b) yong ka 6th Schedule wei da kwah leh wow pynkylla ya ki kattu katni ki kyndon wa yatoh wa u Lat ka jylla heiyatoh wow e bor e muhor ya kiwon kiwon ki Bill wa mynjur da ki ADC.