• About Us
  • Contact Us
  • Privacy Policy
  • Advertise With Us
  • Terms & Conditions
Friday, July 11, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home News

U booh No Entry noh yow suk ki khynnah wa lai yaleh Exam

Wyrta Staff by Wyrta Staff
November 19, 2024
Reading Time: 4 mins read
A A
0
Share on FacebookShare on Twitter
ADVERTISEMENT

Ka KSU-East Jaiñtia Hills District Unit ynne ka sngi da yachem ko ya u SP ka District wow dawa booh No Entry heipor thoh Exam ki khynnah yong ki ar tylli ki skur, kitæ ka Narpuh Modern Secondary School, Umkiang wa ka Holy Cross Hr. Secondary School, Umkiang.

Ka KSU da dap ko dei sñiawkhia wei diaw yeiwa chem pap ki khynnah kini ki ar skur neibhah ki khynnah wan ki nadooh Kuliang, Pyrtakuna, Donaskur, Dona Umbluh wa kiwi kiwi heiwa ki khynnah hap wan ki da ki kari na kini ki skur tangwa i sahkut kari wa man-ka-sngi da pynbor i ya ki wow lai dei kjat ryngkat i laphooh wa joor heiwa neiliang u SP da kular u wow chimkhia ya ini.

ADVERTISEMENT

Ka seiñ da ong ko wa ka Narpuh Modern Secondary School da sdang ko ya ka Final Exam wei iyi wow jia lada ym yoh ki khynnah wow thoh Exam katwa ka Holy Cross Hr. Secondary School Umkiang won daw sdang Exam noh ko.

Chooh chooh ka seiñ da dawa ko wow booh No Entry ha Pyrtakuna wa Dona Umbluh heiwa ki kari heh kiwa wan na Khliehriat cha Kalaiñ u ksoh ha i pood ka chnong Pyrtakuna wei ki kari wa wan na Silchar won u ksoh ha Dona Umbluh.

Related posts

Pynman ka Shangpung College ya ka District Level Youth Festival

July 11, 2025

E khublei Behdieñkhlam ka Synjuk Waheh Chnong Ri Jaiñtia ya ki khon ka Raij Jowai

July 11, 2025

Hawa yaklam wa u SP, da ong u wa daw sdang ksoh kari nadooh 7:30 i step hadooh 9:30 i step iwa mut 2 kynta wei mar psiah ki khynnah chapoh skur daw pynlait ya ki kari kamwa jooh man tangwa ki kari khian u lai ki kamjooh hi khlem da ksoh.

Ka seiñ da kyntu ko ya u SP wow sdang noh wut-wut neibhah ka Narpuh Modern Secondary School, Umkiang da sdang ko ya ka Exam wei ki bei ki pa da lynga pisa mynsien ki wa kjut chitom ki khon ki du nei laphooh wa hap ki wow riñ mynsien iwa da e sñiawbha ka sorkar ya ki paidbah ha ka thaaiñ Dong Namchiang.

Ka seiñ da kyntu ko ya ka sorkar, ka NHAI wa ya u Contractor wow siang psiang ya u sarok nyngkong ha ki chnong wa dawa i kaam neibhah wa da jan ka samoi lehkmen Christmas wei ki paaid Christan u chaad kmen ki hapyrdi i laphooh wei ka sorkar toh u burom ko yei lehkmen la ha kawon kawon ka niam.

ShareTweetSendShare
Previous Post

Chem i lai sylli ka MPUF wa ki bor sorkar wa em ki dukan wa dai da ki mar wym em tarik kut por

Next Post

Kyrpaad u CS ya ki khynnah ka NEHU wow sangeh noh yei yakhih

Related Posts

News

Pynman ka Shangpung College ya ka District Level Youth Festival

July 11, 2025
News

E khublei Behdieñkhlam ka Synjuk Waheh Chnong Ri Jaiñtia ya ki khon ka Raij Jowai

July 11, 2025
News

Wan wai ka Finance Minister ka ri ya ka Polo Shopping Complex kawa da chna hei lut wa ₹100 klur

July 10, 2025
News

Palat Rs. 2 klur pynlut yow pynbiang um neibynta ka Meghalaya Games 2025 chem ka HITO lyngba ka RTI

July 10, 2025
Next Post

Kyrpaad u CS ya ki khynnah ka NEHU wow sangeh noh yei yakhih

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar