Ka Dorbar Chnong Lion Mission Compound, Jowai da pynmih ko ya ki kyndon yalap Election neibynta kani ka MLA 2023 kiwa pynman hapoh u pood u ang ka chnong kiwa man kamni ha wah:
U chah du 15 ngut kiwa kyrchaan wa kynthup ya u Candidate kiwa wan na baar yong ka chnong.
U chah du 4 tylli ki kari khian (Light Motor Vehicle) wa kynthup ya ka kari yong u kyrtong.
U chah du 3 ngut wa kynthup ya u kyrtong wow yalap Election. Ya u Chairman namo uwa pynlai ya ka yalang u jied hi da ka Party.
Ym chah ya ki khon yong ka chnong wow yieñ rynsan wow yalap Election hapoh ka chnong wei wow pynlai leh ya ka yalang namo wow man kam u Chairman.
Ym chah wow pynriam (Decoration) lait noh du kawi ka Banner wa kawi ka lama yong ka Party.
I por yalap Election hapoh ka chnong u man hadien wa da wai yaseiñ na Yungmane Balang Presbyterian Jowai (hadien 7:30 i miet) wei wow pynkut katkam i por wa da booh da ka sorkar.
Ym chah ya kiwon kiwon ki kari kiwa lai lyngba ka chnong wow pynheh ya kiwon kiwon ki sur rwai kiwa pynwit pynthut ya ka chong ka thaw.
Lada ki Unit yong ki Party ka chnong kwah ki wow leh iyi iyi ha ka sngi wa yalap Election hapoh ka chnong, toh u pyntip ki 3 sngi chwa cha u waheh chnong.
Ka Dorbar Chnong Lion Mission Compound, Jowai da kyntu ko ya waroh wow ya krehlang ki wei wow bood ya ki aiñ ki kyndon khnang wa i thmu yong ka chnong daw wanrah i yei chongsuk chong saaiñ wei da maham leh ya kiwon kiwon kiwa yaleh pyrchah ya kini ki kyndon wa daw chah pynchitom ki katkam ka aiñ.
