Ka DC ka East Khasi Hills ynne ka 3 tarik da pynmih hukum ko wow chah biang u wai ki dukan ha sor Shillong wa ki thaw palat sor nadooh ka 5 tarik uni u bnai hadooh 10 tarik uni u bnai katkam wa da tyrwa da ki Incident Commander deiwa ya krehlang wa ki CCMT.
Ya ka sor Shillong wa ki thaw khapsor da yabhah ha ki Zone I-VII heiwa ka Zone-III toh ka Iewduh wa ki thaaiñ Police Bazar heiwa ya ki daw pynmih da kawi won ka hukum yei rukom wai ki. Ya kiwi won ki Zone u wai ki dukan Monday hadooh ka Saturday nadooh 9:00 waje i step hadooh 4:00 waje i sngi kiwa man kamni ha wah:
Ki dukan wym toh kiwa dai ya ki marbaam mardih, ye ki wow wai hadooh 3 sngi chi tayaw ha ki sngi wa pynbait da ki Incident Commander deiwa ya krehlang wa ki CCMT.
Ki thaw ah sñiooh, ki Cyber Café, ki Cinema, ki Gym, ki Club, ki thaw dai tim u man ki kiwa khang.
Ki Restaurant ye ki wow wai deiwa song baam ym toh deiwa chong baam, kamjooh ki dukan dai cha wa ki dukan dai baam dih-cha.
Ha ki thaw wa em cha baar ka sor Shillong, ki dukan wa dai ya ki marbaam wa kiwi ki jait mar u chah u wai ki hadooh 4 sien chi tayaw deiwa pynbait ki SDO(C) wa ki BDO.
Ki dukan dai cha toh u wai ki deiwa song baam donhi ym toh deiwa chah u chong baam.
Ha kini waroh ki dukan hapoh ka District, hap wow pynyoo yeiwa da yoh yei tika lane ym pu em.
Da pyntip ka DC leh waka Night Curfew kawa nadooh 7:00 waje i miet hadooh 5:00 waje i step u krehkaam ko ha waroh kawi ka East Khasi Hills District man-ka-sngi.
