theme-sticky-logo-alt
theme-logo-alt
Advertisement ad1
Advertisement ad1

Chah u DC ka West Garo ya ki kari kamai wa ki kari samen wow mih da ka Odd/Even

Advertisement ad1
Advertisement ad1

U DC ka West Garo Hills District, Tura da pynmih hukum u ynne ka 3 tarik heiyatoh wa i lai i wan ki kari kamai wa kynthup ki yong sorkar wa ki yong ki bru samen hapoh waroh kawi ka District deiwa bood da ki Odd/Even Number.

Ka hukum ym pu chah ko wow lai cha kiwi ki jylla wa cha kiwi ki District da ki kari kamai. Ki kari wa kit mar ym emkaam wow yoh bor yow lai u wan ki.

Advertisement ad1

Hapoh ka District ki kari kamai u chah wow kitbru ki 50% deiwa kamai da ka pali Odd/Even Number. Kiwa yah kari hap ki wow pynyoo lada toh kiwa da yoh tika namo ym pu em deiwa biah ya ini ha ka yit kari wa na khmat.

Ki kari ki bru samen u bood ki da ki Odd/Even Number wei ye ki wow kit bru du heipor wa jhan (Emergency).

Monday- 1,3,5,7,9

Tuesday-0,2,4,6,8

Wednesday-1,3,5,7,9

Thursday- 0,2,4,6,8

Friday- 1,3,5,7,9

Da phah ya waroh kiwa chong kari wow bood ki ya ki kyndon yada naka khlam heiwa da phah ya u SP wa ya ki Magistrate wow pyntikna ki wa waroh bood ki ya ki kyndon.

U DC da pyntip u leh wa ki Containment Measures hapoh ka District u pteiñ ki wow krehkaam nadooh ka 5:00 waje i step ka 5 tarik uni u bnai hadooh ka 5:00 waje i step ka 12 tarik uni u bnai. Ka Lockdown daw em ko ha ka sngi Saturday wa ka sngi Sunday ha waroh kawi ka District katwa ka Corona Curfew u krehkaam ko nadooh 5:00 waje i miet hadooh 5:00 waje i step man-ka-sngi.

Share this:
Previous

U chah biang u wai ki dukan 6 sngi ha Shillong wa 4 sngi cha platsor ka East Khasi

Next

Pynlait u MDC ka Jowai South yaka kot “Legend of Harib & Sæk” wa thoh da u S. Quotient Sumer