U Chief Justice ymtoh u khlam bieñ u ya kiwa wan yaleh mukotduma | Ym em sihlet uwa mut kawang juti

U muktiar ka Supreme Court, u Rakesh Kishore uwa da mut wow kawang juti ya u Chief Justice ka India, u BR Gavai ynnin ka sngi, da ong u wa ym em sihlet u yeiwa da leh u. 

Ynne u Kishore da ong u wa da sñiawsih u yeiwa klam u Chief Justice hawa kyntait ya ka PIL wow chna pynmiat ya u mot u Blai Vishnu ha Javari Mandir wa em ha Khajuraho.

Ya kani ka PIL da ujor ha ka 16 tarik u Naikhynde, heiwa u Chief Justice Gavai da kyntait u ka deiwa ong dieh ngooh Blai ha uni u mot wei wow phah ya oo wow pynchna hi u Blai yei khlieh uni u mot.

Kamtæ u Kishore da ong u manda pynmih hukum ka Supreme Court lada ym ye u yarap ymtoh won wow beiñ ya kiwa yaleh mukotduma.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

U Kishore da beiñ u leh ya ka Supreme Court hajrong i pynemkaam poohchiloom ki sorkar jylla wow tympra ya ki yung ki bru.

Hajrong i chah beh (Suspend) ha ka Bar Council, u Kishore da ong u wa hapoh ka Section 35 ka Advocates Act, toh u chna ya ka Disciplinary Committee, wow e Notice wei toh u chah ya oo wow jubab u tangwa ka Bar Council da lailait ko yeini.

Hadien wa mut u kawang juti, u Kishore da chah takit u ha ki pulit hadooh 3-4 kynta ynnin.

Heijooh i por u Kishore da ong u wa da pynkhreh u wow chah kem wei ym paan maap u neibhah wa u Blai wa yahluti ya oo.

Da ong u leh wa ha katu ka sngi ymtoh wa da muiad u, wei ym em tieñ næ sihlet u yeiwa jia.