U Montri Rangbah ka jylla, u Conrad K Sangma ynne da booh moyurim u wow chna ya ka PA Sangma International College and Hospital ka yong ka University of Science & Technology Meghalaya (USTM). Ha kani ka sngi da emlang u Montri ka chnat Puræ Puthi, u Lakhmen Rymbui, u Chancellor ka USTM u Mahbubul Hoque wa kiwi kiwi.
U Conrad hawa e yei klam da ong u man iwa kmen wow booh ya u mooyurim ha ka lyngkhooh snem wa 75 ka ri wei ka Meghalaya won dap ko 50 snem kamjooh leh man ko ka sngikha wa 75 snem u (L) PA Sangma.
Da ong u wa kani toh kawa nyngkong dooh ka Medical College ka USTM hapoh Meghalaya wei i rukom chakri wa i rukom e sikai u man i iwa miat tam deiwa ong leh wa i embynta u PA Sangma ha i wow sdang ya ka USTM wei wow pyrtuid ya kani ka Medical College ha i pyrtuid yong toh iwa miat bha.
Da ong u wa ka sorkar wa ka imlang sahlang embynta bha ko wow kyntu kynrong ya i rukom im ki bru.
Chooh chooh da ong u wa ki College wa ki University embynta ki ym du wow e yei stat tangwa wot i thooh chemphang leh khnang wow ye u e yei stat wa paka ya ki khynnah wei sñiawkmen u leh wa ka USTM pynchlur bha ko yei puræ bniah.
Da kular u leh yei krehlang ka sorkar wa ka USTM khamtam heiyatoh wa i chait i khiah.
