15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U dam kreh ki 12 ngut ki wakreh ka Shillong Times kat wym pu thung kreh biang ya kiwa chah beh

Advertisement ad1
Advertisement ad1
Advertisement ad1
Advertisement ad1

Haka kyrwoh na ki 12 ngut ki wakreh ka kot khubor The Shillong Times kiwa da yieñ yatylli deilang wa ki 3 ngut kiwa thoh khubor kitæ u EM Jose (News Editor), ka Nabamita Mitra (Features Editor) wa u Dipankar Roy (Executive Editor) kiwa da chah pyndooh kreh deiwa e ya ki daw wa yatoh wa u COVID-19 nadooh ka 1 tarik uni u bnai heipor wa dang leh ki yaka Quarantine, heiwa yaka chithi beh kreh da e haka 7 tarik uni u bnai cha ki.

Neiliang kini ki 12 ngut da beiñ joor ki ya ini wa leh kiwa pynlai kani ka kot khubor neidaw wa da pyndooh kreh ya kini ki 3 ngut khlem ki daw wa biang wa em yurim wei kam ki wakrehlang waki da pyrchah ki ya ini wa da leh yaki, kiwa da kreh chitom boon snem neibynta kani ka kot khubor.

Da pyntip leh wa hadien wa chah beh kreh kini ki 3 ngut, da pynman yaka pyrchah haka 9 tarik uni u bnai wei haka jooh ka sngi da phah yaka chithi wow thung kreh biang ya ki.

Neiliang yong kini ki wakreh da rai ki wow dam kreh hadooh wa da pynbait ya kani ka kaam deiwa pynche leh wa ym em na kini kiwa pyrchah kiwa da ieh noh yei kaam yong ki katkam wa em kiwa ong. Deiwa ong leh wa ym pu em jubab yaki ki chithi wa da phah cha kiwa pynlai ya kani ka kot khubor.

Ha iwi tawon i liang da ngait ki wa kiwa pynlai ya kani ka kotkhubor da pyrchang ki wow thung kreh da kiwi ha ini i por wa da kam toh wa duna poisa neidaw ka khlam COVID-19 heiwa hadooh ki wakreh leh da chah ah tulop ki la 4 bnai.

Da ong leh wa ini i pyrchah toh du neibynta i chah beh kreh ki 3 ngut wei ym em i thmu wow pynbood naam yaka kut khubor kawa katni da em ha i 75 snem i chakri yaki paidbah. I dawa toh du wow thung kreh biang ya kiwa chah beh wei neidaw wa ym yoh jubab na kiwa pynlai ya kani ka khubor ym yoh sa de ki wow pynmih khubor ya ini waroh.

Chooh chooh da ong u daw pteiñ bait ya i yakhih hadooh wa yoh yei dawa.

Share this:
Previous

Pynche u waheh chnong ka Sohmynting hajrong i chah pynbad wa baamtooh yaka Scheme paikhana

Next

Da pynbna Micro Containment Area yaka Gold’s Gym Shillong