Da: U Shimphang Lyngdoh
Ïam briew baroh kawei ka jylla Meghalaya
Namar la duh noh ia u nongialam jong ka
U nongialam uba stad bad shemphang
Hangthie ha Parliament bad ha Balang
Kum maphi naei shuh ngin lap ngin shem
Jinglong ba jem nud bad ba rit mynsiem
Phi ïai buh ia ka jaitbynriew hakhmat eh
Ban ia kiei kiei baroh mynsiem ka kyndeh
Phi shait ong barabor nga dei u shakri
Ïa kita kiei kiei baroh ngi lah dep ban sakhi
Ym tang ki jingiasaid hapoh Ïing Dorbar
Dalade phi wan jngoh sha ki thaiñ Border
Phi long MP tang Arphew-Bnai Khyndai Sngi
Phi ieh jyndat katba ngi dang khmih lynti
Hooid ngi iohi shai ba don ki jingkyrmen
Kynsan kynsan phi ieh noh ia ngi shadien
Ki kam ba phi lah leh ngim lah ban mutdur
Hakhmat ki 543 ngut ki MP phi long ba shlur
Ban iasaid iatai ia ki mat jong ka jaitbynriew
Ba ki nongshong shnong kin suk kin kiew
Khatduh iawai ngan ong noh tang kawei
Kine baroh ki dei ki jingpyniaid hi na U Blei
U Blei Un ai ka jingtngen ia ka ïing ka sem
Ba phi ruh phin shong jahthait da jingkmen
Discussion about this post