U Dr. Ricky toh uwa kreh nadooh mynsien khlem da pyrkhat ya ka Politics | Nga yachem kaddooh wa oo ar tayaaw nachwa ha Delhi: Conrad

U Montri Rangbah ka jylla, u Conrad K Sangma da kynmoo warom u ya u MP uwa da khlaad noh, u Dr. Ricky AJ Syngkon deiwa ong wa toh uwa yahkhmat uwa kreh nadooh na mynsien, wei da yachem u wa u Dr. Ricky ar tayaaw nachwa ha Delhi, heiwa u MP da lai u cha yung sah u Montri Rangbah yow pynsñiaw ya ki kaam wa kwah u wow leh neibynta ka Meghalaya.

U Conrad da ong u wa da yaklam ki kamwa 30-45 minit haroh wei u Dr. Ricky Syngkon ym em klam næ pyrkhat Politics u hawa yaklam neibynta ka mynried ka jylla.

Related posts

Chah kem uwa pynemkaam dawai yow pynih ya u sapieñ | Kammon u tip kiwon kiwa em dawai

April 4, 2026

Pyndam ka sorkar ya ka Custom Duty ki mar wa wanrah chapoh India yow lait u ku dor

April 4, 2026

U Montri Rangbah da khana u wa hadien ini da yoh u ya ka khubor ynne i janmiet wa u Dr. Ricky da chitom u tangwa ym em poi pyrkhat u wow jia hadooh katni.

Da ong u wa ini toh i dooh wa khroo ya ka jylla khamtam ya ka ri Khasi-Jaiñtia neibhah u Dr. Ricky toh uwa yahkhmat uwa pyrkhat wow kreh neibynta ka thaaiñ wa ka jylla.