Kam chibynta wow yakhun yei nohroi ya ki Plastic wa ki klong, ka sorkar Kerala da pynbna ko ya ka kyndon thymme wow su poisa manda pynuiñ ya ki klong kiad wa dai ki dukan ka Kerala State Beverages Corporation (Bevco).
Wow pyrchang yeini u sdang chwa nadooh u Naikhynde heiwa u chim tam Rs. 20 chi klong kiad wa dai ha ki klong Plastic wa klong bilor wei daw su biang ya kani ka poisa manda pynuiñ ya kini ki klong, da ong ka Excise Department ka jylla Kerala.
U Excise Minister, u MB Rajesh da pynche u wa kani ka Rs. 20 ymtoh wa kheiñ dor tam tangwa wow em i bahkhlieh kiwa thied heiwa daw em u QR Code ha ki klong khnang wow pynsuk hawa pynuiñ wei su ya ka poisa.
Na ki 70 klur tylli ki klong kiad wa dai ha ka chi snem ha Kerala, 80% toh ki klong Plastic.
U Rajesh da ong u leh wa ini daw yarap i wow pynduna yei noh ya ki klong cha sarok wei ka chnat da rai ko leh wa waroh ki kiad wa chongdor palat Rs. 800 chi klong u dai noh ha ki klong bilor.
Kani ka thong u leh ya ka chirup wa ka Clean Kerala Company heiwa u sdang chwa na sor Thiruvananthapuram wa Kannur.
Ini i leh ka Kerala toh iwa da sdang na Tamil Nadu, heiwa ini i kaam da man i iwa jop.
Discussion about this post