U Wailadmiki Shylla uwa man kam u Montri sorkar kamjooh uwa e ktien ka sorkar hawa yaklam wa kiwa thoh khubor hadien wa kut ka Cabinet Meeting ynne ka janmiet da ong u wa ka sorkar da pynlut da ko ki boon klur neibynta ki kaam Sports khamtam ka yalehbol hapoh ka Mission Football.
Hapoh kani dadep e Rs. 3 klur cha ka Shillong Lajong, Rs. 30 lak cha ka Mawlai SC wei katkam ka Policy i e yarap toh katkam ki kyrdan wa chimbynta ki Club kiwa na Meghalaya kam ha ka iLeague da yoh ki Rs. 3 Klur kamtæ ter ter.
Ka sorkar kattæ da sñiaw ko wa da emkaam sa ki Football Academy yow e sikai, kamtæ da chim rai wa yow e wai yei thaw wa heh 19.99 Acre wa em ha Mawkhanu, New Shillong cha ka Northeast United FC neibynta 45 snem yow booh ko ya ka Football Academy.
Ka Northeast United FC da booh thong ko wow pynlut ₹40–50 klur heiwa kani ka Academy daw em ko le tylli ki madanbol, ki thaw sah wa kiwi de yow seiñdur ya kiwa yalehke nadooh dang khian ki yow ye ki wow chimbynta ha ki rynsan wa heh dooh.
Ini man ko leh wa neini chakhmat ki yalehke ka Northeast United FC kam ha ka Durand Cup daw pynman noh ki ha Shillong deiwa rah ko leh ya ka Headquarter cha Shillong.
Discussion about this post