U e yarap ka MFA da ka poisa cha kiwa yalehbol ka Meghalaya kiwa yoh u mihkhmat ya ka India

Ka Meghalaya Football Association (MFA) hadien wa chong yalang ynnin ka sngi, da rai ko wow e yarap da ka poisa cha kiwa yalehbol ka jylla kiwa yoh wow mihkhmat ya ka Team India ha ki yalehke International. 

Ini daw pynkmen ko ya kiwa yalehbol ka Meghalaya kiwa em ka thong wow sap ya ka Jersey ki Blue Tigers. 

ADVERTISEMENT

Kiwa yalehke wa em ha ki Senior Team (chynrang wa kynthai) daw yoh ki Rs. 50,000, ya kitu won kiwa mihkhmat ya ki U-23 Indian Team daw yoh ki Rs 40,000 katwa kiwa yalehke ha ka Indian National Junior næ Sub-Junior daw yoh ki Rs. 25,000. 

Related posts

Da sdang ya ka Namdong Sports Association

October 20, 2026

Da ka yalehke hapyrdi ka Mawlai SC wa ka RSD FC u sdang ka Gold Cup | Da khut sñiawbha ya phi waroh

October 20, 2026

Ka Meghalaya ini wa dep da pynmih ko ya kiwa yalehke kiwa da yoh u em ha ki Indian Women’s U-17 wa ki U-20 Team kam ka Fragrancy Riwan, ka Ribansi Jamu, ka Alisha Lyngdoh wa ka Bonifilia Shullai. Ha ki chynrang won da em u Manbhakupar Malngiang wa u Banlamkupar Rynjah ha ka India U-17 ynnin u snem wa u Lionel Daryl Rymmei ha ka U-20. 

Ha ki snem wa da lai da em kiwa yalehke kam u Ricky Shabong wa u Halen Nongtdu wei kiwa bna naam kam u Eugeneson Lyngdoh, u Aiborlang Khongjee wa u Rocus Lamare ha ki Senior Team.