U HB Dan wa pyndooh ya ka khajna hawa pynthymme ya ki Pata: Thombor

Ynne ka sngi u CEM ka JHADC, u Thombor Shiwat da phah u ya ka khubor sñiawlem cha kiwa ha-yung ha-sem, ka kurim wa ki khon yong u HB Dan uwa da khlaad ynnin ka sngi.

U Thombor da ong u wa u HB Dan man u u bru wa pawnaam heiwa da chakri u chiboon ya ki paidbah ka jylla wa ka District Council wei i khlaad yong oo man i dooh wa khroo ya waroh.

Da kynmoo u wa ki le ngut kiwa jop MDC ha kitu ki por, u GH Pde, u H. Mukhim wa u HB Dan kiwa da jop na ka Jaiñtia National Union (JNU) wei da pyrtuid kini ki le ngut ya ki khon yong ki ha i pyrtuid kani ka Party iwa man iwa sah kynmoo bha.

Chooh chooh da ong u wa heipor wa man u HB Dan kam u MLA wa MDC, da man u leh kam u CEM ka Council wei heitæ i por da booh u ya u mot sahnaam deiwa pyndooh ya ka khajna wa jooh su ki bru hawa pynthymme ya ki Pata wei nadooh neiitæ hadooh katni ym em de u su ki paidbah ya ka.

Related posts

Pynsah naam ka Seiñraij Jowai deiwa wai ya u motdur u Kambel Shullai uwa chem ya ka Khnap Thangbru

June 16, 2025

U chna pynmiat ya ka Kiang Nangbah Stadium katkam wa chah i thaw: Sniawbhalang

June 16, 2025

Heijooh i por u Thombor da khana u wa nachwa jooh yabood u wa u HB Dan wei ye leh u ong wa poi u hadooh kani ka kyrdan katni toh nei yahluti u HB Dan ya oo.