Hadien ar sngi wa yoh jamin wei da yoh u wow mih na Tihar Jail hadien wa chah kset 6 bnai heiyatoh wa ka Liquor Policy, u Chief Minister ka Delhi, u Arvind Kejriwal ynne ka sngi da pynbna u wow hiar chuki noh u ha kini ki 48 kynta.
Da ong u wa ym chong u ha kani ka chuki kat wym pu rai ki paidbah ya ka mynried ka AAP deiwa beiñ ya ka sorkar pyrdi wa leh embor ko palat ya ki pharæng.
Ka Election ha Delhi toh kawa daw pynman noh ha kini ki bnai wow wan, kamtæ da kwah u wow kylli na ki paidbah ka Delhi lada oo toh uwa da leh bakla.
U Arvind Kejriwal da e khublei u leh ya ki paidbah ka Delhi wa da kyrchaan ki ya oo wa ya ki heh ka AAP kam u Satyendar Jain wa u Amanatullah Khan kiwa dang em ha patok.
Da pynbna u leh wa kat wym pu dep ka Election daw em da kiwi tawon wow man kam u Chief Minister wei oo wa u Manish Sisodia ym chim ki ya kani ka chuki.
Chooh chooh da pynche u yei daw wym em hiar chuki u deiwa ong wa kwah u yada ya ka Democracy neibhah kiwi ki Chief Minister kam ki yong ka Karnataka, Kerala wa West Bengal leh toh kiwa da chah Register Case.
Neiliang u heh ka BJP, u Harish Khurana da kylli u ileh leh Drama u Kejriwal, toh u hiar chuki u kattæ wot wei da kob u leh wa ka BJP toh kawa da pynkhreh lada pynman Election mynstep leh yow wan biang ko hei bor hadien 25 snem.
Discussion about this post