Ka Health & Family Welfare Department ka sorkar Meghalaya da pyntip ko wa ka Health Experts Committee ka chnat da chong yachem ko ynne ka sngi hei pynlai u Principal Secretary yow ya phyllu yei mih khubor chaphang u Human Metapneumovirus (HMPV) wei yow pait leh yei pynkhreh ka jylla pyrchah ya uni u khñiang.
Ha ini i yaphyllu da klam che wa uni u HMPV ymtoh uwa dang thymme wei uwa da em da boon snem wei da chem nyngong ya oo ha u snem 2001. Ha u December 20224 da em 9 ngut kiwa yoh oo na 714 ngut kiwa suba ha kylleiñ ka ri wei ym em leh wa yap na oo.
Uni u khñiang toh uwa wanrah ki jait kjut synrum, i iñdoh, i kyoh wei kiwa yoh oo leh ym em chitom joor ki.
Kamwa man kattæ, kiwa yoh oo toh katkam wa man ka samoi wei ymtoh iwa phær næ iwa hap wow khuslai.
Da kyntu ya ki paidbah wow man ki kiwa lehkhooid deiwa sait bha ya ki kti wei wow sap Mask lada em ki dak ki chin wa yoh Flu yow lait u wow poor.
Uni u khñiang toh uwa ktah ya ki khynnah wa em 14 snem chapoh wa ki bru wa da heh rta wei lada em kiwa yoh ki dak ki chin wa yoh Flu deiwa iñdoh, kyoh, synrum wei jhia u chyoh ymtoh u pynslem ki wow lai cha ki Hospital.
Neiliang ka Integrated Disease Surveillance Programme (IDSP) da booddien ko dei miat yeini yow pyntikna wa man chngaaiñ ha kani ka samoi wei ka jylla da man ko kawa pynkhreh lada jia iwon iwon.
Discussion about this post