Ka President ka ri India da thung ko ya u Justice Hamarsan Singh Thangkhiew, uwa man u Judge ka Meghalaya High Court wow man kam u Acting Chief Justice kani ka yung bichaar nadooh ka 2 tarik uni u bnai.
Ya ini da leh neidaw wa ynne da chong-ngiah noh u Chief Justice wa katni yong kani ka yung bichaar u Chief Justice Sanjib Banerjee.
Katkam ka hukum wa da pynmih hapoh ka Article 223 yong ka riti synchaar ka ri, da ong wa ka President da thung ko ya u Justice Hamarsan Singh Thangkhiew uwa man u Judge ka Meghalaya High Court, wow chimkhti noh u kam u Chief Justice ka High Court hadien wa chong-ngiah noh u Chief Justice Sanjib Banerjee ynne ka 1 tarik.
Kam wow kdaw heini u HS Thangkhiew da pyndep u ya i puræ LL.B na Delhi University ha u 1990 wei da man u kam u muktiar (Advocate) ka Bar Council of Assam, Nagaland, Meghalaya, Manipur, Tripura, Mizoram wa Arunachal Pradesh ha u 1990-1991 wei da thung ya oo kam u Judge ka Meghalaya High Court ha ka u Khonchonglad (Nov), 2018.
Discussion about this post