Ka Meghalaya State Coordination Committee of Transport Operators, Owners and Drivers Associations waka Meghalaya Peoples’ Labour Union (MPLU) haka yalang wa pynman ynne ka sngi kawa da chongknor da u Erwin K. Syiem Sutnga, President ka MPLU deiwa emlang ka Tourist Taxi Associations and Organistions kamjooh kiwa yah kari kiwa mihkhmat da u Anthrolious Marak wa u Shidaji Dey, ka All Shillong Tourist Taxi Drivers United Organisation (ASTTDUO), ka Khasi Hills Tourist Taxi Association (KHTTA), waka Meghalaya Tourist Transporter Association (MTTA) da rai wa waroh ki kari Tourist Taxi u kamai ki kamwa jooh hi.
Haka yalang da yaklam yei eh wa da maad da ki paidbah wa wan na baar jylla kiwa da dep pynbiat chwa wow lai phah sumaar kamjooh kiwa napoh ka jylla.
Da pyntip leh wa i yaklam waka Transport Department dang lai ko chakhmat yow yaklam yei eh i khoo wa da chem ki Tourist Taxi Association.
Da kyrpaad ki yaka sorkar Meghalaya wow yaklam waka sorkar India yow chna yaka Subsidy wa thymme yow pynhiar yei dor Petrol, Diesel waka LPG Cylinder neibynta ka Meghalaya kawa man kawa chaniah ha ki kari wow kit bru kamjooh yaki mar.
Da ong wa i ku dor ki mar kamjooh i bai kari da ktah ko ya waroh ha waroh ki liang kamtæ ka sorkar Meghalaya leh toh u pynduna ko yaka dan wa kheiñ neibynta ki phniang wei wow yaklam ko yow wanrah leh ya ki phniang hapoh ka GST.