Ka Khliehriat Bar Association (KBA) da pyntip ko deiwa pyrkhat yei long i man katni heiyatoh wa i poor u khñiang COVID-19 kamjooh deiwa bood yaka hukum ka sorkar jylla ka Meghalaya deilang waka Circular wa pynmih daka High Court ka Meghalaya wei neidaw leh wa ka thaw kreh ka KBA man ko kawa em boon ki bru wa wan cha ka, kamtæ da rai wow khang yaka thaw kreh nadooh ka 20 tarik uni u bnai hadooh ka 27 tarik uni u bnai.
Kamtæ da kyntu yaki bru paidbah wa wan emkaam wow dam ki leh wow psiah cha ki thaw wa em ka yung bichaar hadooh wa pynbna da kamwi tangwa daw pteiñ hi wow dai yaki Vakalatnamas wa kiwi ki Form ha ki thaw wa da booh.
Lada em ki dkhot ka KBA wa emkaam wow chim yaki kot ki sla yong ki, ye ki wow paan bor na kiwa ksoh kaam wei kawa pait ya ini daw booh ki yei por wa ye u leh ya ini.
Da kyntu yaki dkhot wow ya krehlang ki ha kam kini ki por.
Discussion about this post