U Kiang Nangbah u Khlawait wa chisur ki khon ka ri 12 Daloi

U Kiang Nangbah toh uwi na ki rang satar uwa u blai Tre Kirot da booh wiang kyrpang u hapoh ka Bri U Ynñiawtrep Ynñiawskum.

Katwon sñiawsuk u tip wa man u snem ha ka 30 tarik u Kmaichonglad ki khon ka ri Ynñiawtrep Ynñiawskum kynmoo warom, kynmoo maya ki ya oo, kam uwi na ki wa yaleh-laitlooid wa sakhiat wa hok, wa chlur, wa chisur wei chynrang hei mynsien kat hadooh wow haap u, u pynchah dow radang ha’u tylle pasi yong ki pharæng du nei bynta wow yoh ki khon ka ri yei hok wei chongsuk chongsaiñ kamjooh leh yow lait nei broo næ i chah synchaar ha kti kiwi kiwa wan ha kini ki loom, ki chnong, ki thaw yong-i da ka luti wow lehbor, thombor wei wow knieh yei synchaar na kti yong ki tre ri, tre muluk.

U Kiang Nangbah neibynta ka Ri wa ka jaitbru, yieñ u wow yada yei hok, kynti ki khon ka ri kat hadooh wow poi u pood wow haap u, u bynda dei mynsien ha u tylle pasi yong ki bru ka sorkar pharæng ha ka 30 tarik u Kmaichonglad 1862.

Kam u khon dap chynrang ka Nia Rimai Nangbah, u Kiang da pynyoo sakhiat u yei chlur mynsien yong oo, kam u wa yahkhmat wa hok yong ki khon ka ri 12 Doloi, hakhmat ka dorbar wa khut ha madan Madiah Kmaiblai da yieñ u na khap ki waboon walang wow thooh ka sakhi blai dei wa ngam cha ka thwai Syntu Ksiar wei wow rah ya ka tnat dieñ wa em ya ki sla wa yirngam.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

Kam u bru wa em i kitkhlieh wei kitkhia ya ka ri wa ka jaitbru, ym hun u wa ki myndær ri u yohlaad ki u synchaar katwa ki tre ri, tre muluk won u im ki hapyrdi i tynjooh wei dukha mynsien miet wa sngi, kam u bru wa maya ya ka niam, ka rukom, dustur-riti ym kwah u wa kini kiyi kiyi ki rukom man kyrpang ka jaitbru u dooh u dam ki hapoh kani ka ri ka muluk wa maya ka yong oo.

Kam ki pateiñ kani ka juk wan iyi em i wow leh, hei yatoh wow Kiang Nangbah? Yi em i wow ong næ kylli chaphang ka Ri 30 Syiem, 12 Doloi ha kini ki sngi wa katni? Yi em i wow leh neibynta ka ri wa ka jaitbru kawa da em hei tynjooh kat cha wa pait wa kyruiñ, kat cha walai wa wan? Yi em i wow ong næ kylli ya ki wa yahkhmat wa ya ki bru maya ri kani ka juk kiwa yieñ wow chakri ya ka ri wa ka jaitbru wa khian paaid ka yong i? Toh sakhiat mo, bood late i ya ka luti wa yah wa tyoor u Kiang Nangbah?