U Kiang toh uwa na ka kur Susngi

Jowai : Ha ka kot wa thoh da u Seriallyone Susngi wa tip kam “Ka Kur Susngi” da thoh u yeiwa chem u hei yatoh wa u Kiang Nangbah heiwa da pyrchang u khana ya i kur i jait wa mih u Kiang neibhah oo ym em yoh u kawon kawon ka kur wa tikna iwa em ha ki Khynriam kamjooh ki kur Pnar.

Ha kani ka kot uwa thoh da ong u wa ym jooh em kam itæ i kur Nangbah neibhah Nangbah toh i pytuid yong i chnong. Ka chnong Nangbah toh ka wi ka chnong wa da rim bha wei jooh man ko kawa pawnaam ha i khayi wei ka yaaw ka hat yong ka toh kawa heh bha.

Da ong wa ka bei u Kiang toh kawa tip kam ka Sah na ka kur Susngi na ka kpoh Tharuh kawa na ka chnong Nangbah. Yei pyrtuid u pa u ym tip tangwa i kur u toh yong Pale na ka chnong Ialong.

U pa u Kiang toh uwa saiñ naar (Blacksmith) uwa chna wakhu, ki wait, ki stieh wa kiwi kiwi. U pa yong u Kiang da li yah u ya ka Sah cha chnong Jwai heiwa da jied u ya iwi i thaw wa em harood ka wah yow suk u tong um heipor wa chna wait chna soom u neibhah emkaam boon ka um. Ya kani ka thaw nadooh wa sah wa kreh u pa u Kiang ha ini i thaw da tip ya kani ka thaw kam ka Wah Nangbah.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

I parom da lai i deiwa ong wa u Kiang nadooh wa dang khian u man u uwa smat wa stiñ wow yarap wa u pa hei chna u ya ki tiar ki tar wei da man uwa pnah bha wow kyllaiñ wait wei wow kiñ ya ka stieh hadooh wow chana ya ki waitlam, ki wait wa kiwi ki tiar yaleh thma.

Hadien wa yap u pa u Kiang da thang ya oo cha chilliang kani ka Wah Nangbah wei ya i tai i thaw da tip kam i Tpep Pale hadooh kani ka sngi.

Ya ka bei yong u Kiang leh da chah sin ko ka Nangbah wei ye u man neini i daw da mih pyrtuid u Kiang kam u Kiang Nangbah.

Hadien wa kem ki pharæng ya u Kiang Nangbah ki kur ki jait yong oo ym em wa nood u mih cha khmat yow kam ya oo neidaw wa tieñ ki wa ki pharæng ye ki u kem ki wei ye u chah tynyap leh. Kamtæ u Kiang Nangbah da khlaad u kam u Kiang uwa na Nangbah.

Ka kur Susngi leh da pyrchang ko u pynsakhiat yeini deiwa ong wa heipor wa “Mih Pyrtuid” iwa mut heipor wa yoh kjut ki khonboo wa dang kha i wym bha de wei hadien wa dep leh ya ka kñia wa ka niam ka rukom jooh mih pyrtuid yong ki kur wa da dep khlaad, wei na ka kpoh Tharuh ka kur Susngi jooh mih pyrtuid yong u Kiang iwa pynyoo wa oo toh na ka kur Susngi.

Uwa thoh ya ka kot ong u leh ym em kam wa iwa chem u man i iwa da biang lut wei lada em kiwa ye u pynbiang ki sabut wa oo bakla u oo smat u pdiang ya ki.

Also Read: Da pyllait ko ya ka kot “Ka Kur Susngi”