Ka Department of Food and Public Distribution kawa man ka chnat hapoh ka Ministry of Consumer Affairs, Food & Public Distribution da phah chithi ko cha waroh ki jylla wow kynthup ya ki bru wa duna hei doh i pran (Person With Disabilities) hapoh ka National Food Security Act (NFSA) 2013.
Ka Section 38 yong kani ka aiñ ebor ko ya ka sorkar pyrdi wow phah ya ki sorkar jylla wow pynkrehkaam ya kani ka aiñ.
Ka chnat da phah ko ya ki jylla wow kynthup ya ki (PWD) katkam ki kyndon kani ka aiñ khnang wow yoh myntoi ki kam kiwi tawon wow yoh baam rachon na ka NFSA & PMGKAY.
Da phah wow pynpsiah pyrtuid ya ki lada ympu em Card Rachon ki neibhah wa ki man ki kiwa kyrpang hei wow yoh myntoi kam kiwi.
Ka Section 10 ka aiñ da ong ko wow yoh myntoi ki na ka Antyodaya Anna Yojana katkam ki kyndon kani ka Scheme wei ki manyung kam ki Priority Household katkam ki kyndon ki sorkar jylla.
Ka Atma Nirbhar Bharat Package ka sorkar pyrdi toh ya ki bru kiwa ym em u kynthup ha ka NFSA wa kiwon kiwon ki Scheme PDS Card katwa kamtæ ki bru wa duna hei doh i pran kiwa ym em Ration Card ye ki kattu u yoh myntoi na ka Atma Nirbhar Bharat Package. Neidaw wa kani ka Scheme u kut ko ha ka 31 tarik uni u bnai, dang em sa chi tayaw wow pynsiah pyrtuid ya kini ki bru.
Kam wow pynkynmoo heini, ya ka Atma Nirbhar Bharat Package da sdang ha u Naisan uni u snem.
