15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da wanrah ya ki Dieñkhlam ka Behdieñkhlam ka Raij Mukhla ha ka sngi wa ar

Advertisement ad1
Advertisement ad1
Advertisement ad1
Advertisement ad1

Ka lehniam Behdieñkhlam ka Seiñ Raij Mukhla da poi ko cha ka sngi kawa ar ynne ka sngi Mulong, heiwa ha kani ka sngi, ki khon yong ka Seiñ Raij Mukhla da mih ki dang step na yung wow lai pam ya ki Dieñkhlam na khloo neibynta wow pynyieñ ya ki ha ka Madan Slot Masi Madan Ryngkaw ha ka sngi Musiang ka 24 tarik.

Na kini ki Dieñkhlam kiwa da dep wow pam na khloo da wanrah ya ki artylli ynnne ka sngi, uwi wow pynyieñ ha Madan Tihkhyndaw ha Wahshnong uwa rap khian wa uwi won uwa rap heh ha Madan Slot Masi, katwa ya uwi won u Dieñkhlam daw wanrah ya oo da ki khon ka Seiñ Raij na ka chong Umlangshor Mukhla myntep ka sngi ha chwa wow pynyieñ ya ki ha Madan Slot Masi kawa toh ka Madan Ryngkaw kawa em ha Mukhla Nongrim.

Hadien i wanrah ya ki Dieñkhlam na khloo, da pynman biang ya yalang niam wow ya pyrkhat ya ki kaam kiwa daw hap leh mynstep ka sngi Musiang. Ya kani ka yalang da pynlai da u Langdoh Niam deiwa emlang ki Waheh Sankur, ki khon ka Seiñ Raij Mukhla wa kiwa yoh wow ya chimbynta ha kani ka leh niam Behdieñkhlam kiwa da dep wow jied kyrpang da ka Seiñ Raij Mukhla.

Ya ka Behdieñkhlam da sdang ya ka nadooh ka sngi 22 tarik wei daw pynkut haka 25 tarik uni u bnai deiwa bood ryntih ya ki kyndon wa da phah da ka sorkar jylla lyngba ka chnat i chait i khiah ka sorkar Meghalaya.

Share this:
Previous

U kynthup ya ki bru wa duna hei doh i pran u yoh myntoi noh ki na ka NFSA

Next

Pynche ka PIB yaka khubor thok wa daw em ka Lockdown ha Shillong