Ka Meghalaya Football Association (MFA) da pyntip ko wa da kreh chitom ko khlem sangeh yow pynkreh ya ka madan JN Stadium waka NEHU Training Ground yow pynman ya ar tylli ki International Football Match ha Shillong ha uni u bnai.
Ka Shillong hei sien wa nyngkong daw pynman ko ar tylli ki yalehke ki chynrang heiwa nyngkong toh ka Friendly Match hapyrdi ka India wa Maldives ha ka 19 tarik uni u bnai wei kawa ar won ka AFC Asian Cup 2027 Qualifier hapyrdi ka India wa Bangladesh ha ka 25 tarik uni hi u bnai.
Tangwa da em kiwa pynmih khubor wa kani ka Friendly Match ye wym pynman ka, heiwa neiliang u MFA General Secretary, u Sunesh Syiem wa u MFA Vice-President, u Cliff Nongrum da pynche ki wa kani daw lai ko chakhmat kamwa da pynbait.
“Nga da phylla O wow yoo ya kani ka khubor neibhah wot ka AIFF (All India Football Federation) ym em ong ko iyi iyi leh heiyatoh wa ini wei pyn ynne ka sngi leh ka AIFF da thung ko ya u Match Commissioner neibynta kani ka Friendly Match. Wei kiwa yalehke ka Maldives leh daw poi ki ha Shillong ar sngi chwa wow pynman ka yalehke wei da pynbiang leh i thaw sah ki.”
Da pynche chooh chooh wa ka AIFF da yoo ko wa da ye ka Shillong wow pynman ya ki yalehke Durand Cup wei kamjooh yei boon ki bru wa wan paitke kamtæ da yoo biang wow pynman ki yalehke International Match wei da em leh ki 5 Star Hotel ha Shillong iwa da yarap wow pynman kini ki jait yalehke.
Discussion about this post