U lai bait ka Yatra cha krem Mawjymbuiñ hanla ym em e NOC ka Dorbar Chnong Mawsynram

Ka Dorbar Chnong Mawsynram wot hapyrdi i sñiaw kjut doh, tangwa da hap ki wow burom yei rai yong ka Meghalaya High Court kawa da chah ya kiwa lai Yatra wow leh ñiam deiwa kynjrait um donhi ha krem Mawjymbuiñ. Wei yeini da leh khlem da e NOC ka chnong, tangwa kiwa ngait Hindu u yoh noh ki wow lai Pilgrim cha kani ka thaw deiwa e bor ka DC kawa da booh ya ki kyndon iwa da mynjur leh ka yung bichaar.

Neilang u Assistant Waheh Chnong ka Mawsynram wa uwa e ktien ka chnong, u Hiamdor Rapsang hawa klam wa kiwa thoh khubor ynne ka sngi hadien wa dep chong bichaar ka High Court, da khana ki wa ha u snem wa dadep kiwa pynman ya ka Yatra da paan bor ki wow lai cha ka krem Mawjymbuiñ tangwa ka dorbar chnong ym em e bor ko neibhah ka krem Mawjymbuiñ ymtoh ka thaw mane Blai tangwa ka thaw uiñke suwari.

Da khana u wa da em hadooh ar sien wa da chong yachem katkam wa da phah ka yung bichaar wow pyrkhat biang hajrong i rai wym e bor, tangwa waroh ar sien ka Dorbar Chnong Mawsynram deilang wa ki paidbah wa chong chnong da rai bait ki wym chah ya kiwon kiwon wow pynman yei mane Blai ha krem Mawjymbuiñ, deiwa pynbna bait wa man ko kam ka thaw uiñke suwari.

Da ong u leh wa ha u snem wa dadep da pynkut noh ya ini i thmu wow pynman ya ka Yatra wei ka dorbar chnong leh da hun da suk ko khlem da mutdur iyi iyi leh wow man biang da kamwi.

Related posts

Sdang wei wai ka East Jaintia Hills Development Association ya ka yung krehkaam

August 25, 2025

I thmu toh wow dung ya ka CM ka Delhi da ka tari

August 25, 2025

Ha ka 10-07-25, ka Meghalaya High Court lyngba u Justice HS Thangkhiew deiwa kyrpaad kiwa pynman ya ka Yatra da pynmih ya ka hukum wow chah u pynman yei lai Pilgrim ka wow sdang na Mahadev Khola, Shillong chadooh cha krem Mawjymbuiñ khlem iwon iwon i leh ñiam Puja ha katai ka sngi. Hajrong ini da em ka chong bichaar biang ha ka 11 tarik uni u bnai heiwa ka dorbar chnong da chim ko ya ka rai wym em bor.

Tangwa neiliang ka yung bichaar ynne ka sngi da e laad ko wow lai Yatra cha krem Mawjymbuiñ deiwa chah wow kynjriat um donhi.

Neiliang ka chnong da pyntip ko wa hanla wa da kyrpaad biang ya ka yung bichaar wow pynbha ya ki kattu katni yong ka hukum tangwa ym bien de wow pynkylla ya ka hukum wa da pynmih chwa deilang ya iwa dadep rai wow chah u leh yeini deiwa kynjrait um donhi khlem da rah ki syntu wa kiwi de wa da pynemkaam hawa leh ñiam.

Katkam wa da pyntip hapoh ka yung bichaar da booh ya ka 02-08-25 kam ka sngi wow leh ya kani ka Yatra.

Puræ leh: Chah ka HC yei pynman Yatra cha krem Mawjymbuiñ tangwa deiwa booh kyndon