Ki kari kamai hapyrdi ka Meghalaya wa Assam u pteiñ ki wow lai kamwa jooh hi hadooh ka 10 tarik u September, yow e por ya ka sorkar wow leh ko yeiwa emkaam yow pait yeiwa chem chitom kiwa yah wa kamai kari.
Yeini da pyntip da u Deputy Chief Minister, u Sniawbhalang Dhar hadien ka yalang wa kiwa yahkhmat ki seiñ wa kamai kari kawa da pynman ynne ha Secretariat ha Shillong deiwa emlang leh ki heh sorkar.
U Sniawbalang da pyntip u wa kani ka Meeting toh kawa da neh boon kynta bha wei man ko kawa mihsoh mihsla deiwa yoh u ap u sñiaw yei eh i khoo wa maad kiwa kamai kari ka Meghalaya hawa lai ki cha Assam.
Chwa ka 10 tarik daw pynman leh ya kawi ka Meeting deiwa emlang ki Transport Commissioner ka Assam wa Meghalaya, deilang wa kiwa mihkhmat ki seiñ wa kamai kari ka Meghalaya.
Yeini u leh yow pynsñiawthooh yeiwa chem chitom kiwa na Meghalaya hawa lai kamai ki cha Assam wei yow pyntikna wa man chngaaiñ i lai i wan ki.
U Sniawbhalang da ong u wa i e por hadooh ka 10 tarik toh yow ye u leh yeiwa emkaam yow poi noh chei ya sñiawthooh iwa ye u neh yanom.
Discussion about this post