U US Secretary of War, u Pete Hegseth da pyntip u wa i siat yap deiwa pynemkaam da ki chipai (Firing Squad) ya u Nidal Malik Hasan uwa jooh man kam u Army Major ka US Army daw pynyoo paidbah ki deiwa leh da ka Live Stream ha ka 3 tarik u December 2026.
U Nidal Malik Hasan toh uwa da chah rai pynrem da ka yung bichaar yeiwa siat yap u ya ki 13 ngut ki para chipai ha u snem 2009 iwa da jia ha Fort Hood.
Ya u Nidal u siat yap oo pyn ha kani ka jooh ka thaw wa siat yap u ya ki 13 ngut kawa man leh ka Military Base kawa em ha Texas.
U Pete Hegseth da ong u wa uni u bru uwa da pynyap pyn ya ki bru wa ya krehlang u kam u chipai, u sait yap oo leh heipor 1:00 waje i sngi iwa man leh i jooh i por wa siat yap u ya kiwi.
Chooh chooh da ong u wa u pyntikna wa ki paidbah leh u ye ki u pait yeini neibhah ki bru hap ki wow sñiawthooh iyi wow jia ya ki hawa leh ki kam kini ki kaam.
“U Army Major chet kylla u ya ka ri yong oo deiwa man noh kam u chit niam Islam yow pynyap ya ki American ha Fort Hood. I leh u leh i jooh ya oo ha Fort Hood,” da ong u Hegseth.
Yow leh yeini da mynjur leh da u President ka US, u Donald Trump.
Iyi wa jia ha Ford Hood ha u 2009
U Hasan toh uwa man kam u Army Psychiatrist ha itai i por wei da siat u ya kiwi ki chipai wa em ha Fort Hood ha ka 5 tarik u November 2009, heiwa da yap 13 ngut wei mynsoo 32 ngut.
Ka yung bichaar ka Military ha u 2013 da rai pynrem ko ya u Hasan uwa da phla leh wa oo da yachah noh u cha ki Taliban wei da leh yeiwa leh toh yow yada ya ki Taliban wa kiwi ki Muslim nei chah pynyap ha ki chipai ka US.
Lada jia ini wa da thmu wow siat yap ya u Hasan, daw man i sien wa nyngkong wa pynemkaam da ka Army Firing Squad nadooh u snem 1945.
Discussion about this post